محمد قنديل
صلاح جاهين - سيد مكاوي
لو كنتي ست الحسن و الجمال
يكون أميــر أحلام غرامك أنا
ليكي أول الحـــدوتة في الدلال
و انا آخر الحــــــــــدوتة ليا الهنا
دقيت عليكي الباب كتير
رد الصدى و قال يا أمير
ما بينكم البحر الكبير
دقيت على الباب بالإيدين
رد الصدى و قال لي يا زين
بينك و بينها بلدين
أنا قلت لو بيني و بينها السما
مغرم بها و هي كمان مغرمة
و انا آخر الحدوتة ليا الهنا
آه من طريقك الطويل
و لا ليا غير قلبي دليل
عطشان يا مية سلسبيل
حالي يا ست الحسن حال
إرخي شعورك الطوال
خديني من حر الجبال
و ان ما لقيت عندك لقلبي دواه
لاعشق عيون الشمس و اهوى الهوا
صبرت لما الود بان
عملت انا تختروان
و حملت قلبي شمعدان
دوبت لك بحر الهوى
في كلمة هنقولها سوا
و نقول دا عنقود و استوى
و الناس تشوفنا تقول يا ست البنات
حدوتة آخرتها التبات و النبات
و انا آخر الحدوتة ليا الهنا
Great insights in this post! Just like staying informed is crucial for overall well-being, taking care of your vision is equally important. If you're looking for expert eye care, visit The Eye Foundation, a leading Eye Hospital in Bangalore
ردحذفproviding advanced treatments for better vision. Thanks for sharing this!