تعرف محمد قنديل ؟
- مش دا اللي بيغني ؟
- أيوة .. تعرفه ؟
آه .. مش ده بتاع يا حلو صبّح -
- أيوة هو
- و أبو سمرة السكرة و ان شاالله ما اعدمك و بين شطين و مية بتاع أهل اسكندرية و جميل و اسمر .. صح ؟
- صح طبعاً .. تعرف إيه تاني ؟
- امممممم أعرف ان أم كلثوم أشادت بصوته
- مظبوط .. تعرف إيه تاني ؟
- يا عم هو محضر !! و انت بتسأل ليه ؟
- عشان انا عايز اعرف عنه كل حاجة
- انت مهتم ليه كده ؟ هو جوز خالتك ؟!!
- ههههه ياريت
- طب يعني انت بتعمل عنه بحث و الا دراسة مثلاً ؟
- لأ بعمل مدونة
- يا ألف نهار ابيض .. يا فرحتي بيك ! و انت عندك إيه ممكن تقوله ؟
- والله عندي كتير و يمكن من كتر الكلام مش عارف اقول ايه و الا ايه
- واضح ان حالتك صعبة أوي .. و انت بتسمع قنديل من إمتى ؟
- بقالي تقريباً سبع سنين
- و هو قنديل عنده أغاني تكفي السنين دي كلها ؟
- عنده كتير .. بس اللي يسمع
- و يا ترى لو طلبت منك أي أغنية تجيبهالي
- إن شاء الله
- خلاص هتابع المدونة أما اشوف ايه النظام .. سلام
- تلت سلامات
.
يسعدني أن أنضم لعالم التدوين ، و أن أكتب عن مطربي المفضل " محمد قنديل " القنديل الذي ما زال نوره ساطعاً في القلوب .. و أتمنى أن يجمعني هذا المكان بكل محبيه ، للحديث عنه و عن فنه ..
يسعدني أن أنضم لعالم التدوين ، و أن أكتب عن مطربي المفضل " محمد قنديل " القنديل الذي ما زال نوره ساطعاً في القلوب .. و أتمنى أن يجمعني هذا المكان بكل محبيه ، للحديث عنه و عن فنه ..
3 سلامات ...
ليست هناك تعليقات:
إرسال تعليق